ផ្ទះគំរូគេហដ្ឋានខាមប៊ូចាយ៉ា

សាងសង់ឡើងដោយមានការរចនាដ៏ប្លែកពិសេស និងមានការយកចិត្តទុកដាក់ខ្ពស់ គេហដ្ឋានខាមប៊ូចាយ៉ាគឺជាផ្ទះវីឡាកូនកាត់ដែលមានកម្ពស់បីជាន់ មានបន្ទប់គេងចំនួន៤ និងបន្ទប់ទឹកចំនួន៤ ដែលបានដកស្រង់ចំណុចសំខាន់ៗពីផ្ទះល្វែងខ្មែរបុរាណ ព្រមទាំងធ្វើការបូកបញ្ចូលទីធ្លារស់នៅដែលមានទំហំធំទូលាយ និងមានមុខងារច្បាស់លាស់ ដើម្បីបំពេញតម្រូវការសម្រាប់ប្រជាជនទីក្រុងភ្នំពេញជំនាន់ក្រោយ។

គេហដ្ឋានរបស់យើងទាំងប្រភេទ M (មានទំហំ ៥ម×១៧ម) និងប្រភេទ L (មានទំហំ ៦ម×២០ម) ផ្ដល់លក្ខណៈពិសេសមួយចំនួនដែលជួយពង្រឹងដល់ជីវភាពរស់នៅ ដូចជាទីធ្លារស់នៅបើកទូលាយបំភ្លឺដោយពន្លឺធម្មជាតិ ចំណតយានយន្ដខាងមុខផ្ទះដែលមានជម្រៅ ៧ម៉ែត្រ សួនខាងក្រោយផ្ទះដែលមានជម្រៅចាប់ពី ៣ទៅ៦ម៉ែត្រ ក៏ដូចជាចង្ក្រានបាយ និងបន្ទប់ដែលមានការរចនាបែបទាន់សម័យ។